पाकिस्तानको बालाकोट, चकोठी र मुजफ्फरावादमा भारतको १००० किलोको बम

February 26, 2019 खबरम्यागजिन प्रतिनिधि मुख्य समाचार 0

भारतको वायु सेनाको फाइटर विमानले पाकिस्तानको बालाकोट, चकोठी र मुजफ्फरावादमा रहेको आतंकवादी अखडामा १००० किलो बम खसालेर ध्वस्त बनाएको दाबी गरेको छ । आज बिहान गरिएको उक्त आक्रमणको पाकिस्तानले पनि पुष्टि गरेको छ । भारतको जम्मु कश्मिरमा भएको आतङ्की हमलापछि भारत र पाकिस्तानको सम्बन्ध बिग्रिएको हो। उक्त आतङ्की हमलाको भारतले कडा जवाफ दिनुपर्ने बताउँदै आइरहेको थियो। यसैबीच आज बिहान भारतीय वायुसेनाले नियन्त्रण रेखा (एलओसी) पार गरेर आतङ्ककारीको क्याम्प ध्वस्त पारेको बताइएको छ।

पाकिस्तानी सेनाका प्रवक्ता मेजर जेनेरल असिफ गफुरले ट्वीट गर्दै भारतीय लगाकु विमानले पाकिस्तानी सीमामा अवैध घुसपैठ गरेको र पाकिस्तानी वायु सेनाले जवाफी कारवाही गरेसँगै बालाकोटमा बम खसालेर भागेको बताएका छन् । उनको अनुसार खसालिएको बमबाट कुनै जनधनको नोक्सानी भएको छैन ।

उता भारतले भने बम आतङ्कवादीको अखडामा खसालेको र त्यसले उनीहरुको सञ्चार सम्पर्क गर्ने केन्द्र तथा तालिम क्षेत्र ध्वस्त भएको दाबी गरेको छ । आक्रमणमा २ सय ५० देखि ३ सय आतङ्ककारीको मृत्यु भएको समाचार एजेन्सीले दावी गरेको छ।

भारतको काश्मिरस्थित पुलुवामामा भएको आत्मघाती आक्रमणमा परी ४६ जना सीआरपीएफका जवानहरुको मृत्यु भएसँगै भारत-पाकिस्तानको सम्बन्धमा चिसोपना आएको हो।

भारतले पाकिस्तान माथि हमाल नै गर्नुपर्ने तर्क राखिरहेका छन् भने पाकिस्तानका प्रधानमन्त्री इमरान खानले भारतले आक्रमण गरे त्यसको कडा जवाफ दिने बताएका छन् ।

१२ वटा मिराज विमानले यो काम सम्पन्न गरेको भारतीय वायुसेनाले जनाएको समाचारमा उल्लेख छ।
यसअघि पाकिस्तानी सेनाका डिजी आईएसपीआर आसिफ गफूरले भारतीय सेनाले एलओसी पार गरेर पाकिस्तानको सीमाभित्र पसेको बताएका थिए। त्यो समयमा भारत आक्रमण नगरी फर्किएको थियो भने यो पटक भारतले पाकिस्तानको आतङ्ककारी क्याम्पमा आक्रमण गर्न सफल भएको समाचार एजेन्सीले बताएको छ।

आक्रमणको केही समयपश्चात पाकिस्तानी सेनाका प्रवक्ता मेजर आसिफ गफूरले बम बिस्फोटको फोटो ट्वीट गरेका छन्। फोटोमा भारतीय बमको सेल देखिएको छ।

भारतले आक्रमण गरेको केहि समयपछि पाकिस्तानी सेनाका प्रवक्ता मेजर आसिफ गफूलले बम बिस्फोटको फोटो ट्वीट गरेका छन् । फोटोमा भारतको बमको सेल देखिएको छ । आक्रमणमा २ सय ५० देखि ३ सय आतङ्काकारीको मृत्यु भएको सञ्चारमाध्यमको दाबी छ । तर पाकिस्तानका सेना प्रमुखले भने आक्रमणबाट मानवीय क्षति नभएको ट्वीट गरेका छन् ।